തിരുവനന്തപുരം: വെബ്‌ ഡിസൈനിംഗിലൂടെ പതിനെട്ടുകാരന്‍ സമ്പാദിക്കുന്നത്‌ മാസം അഞ്ചു ലക്ഷം രൂപയോളം. തിരുവനന്തപുരം സ്വദേശിയായ ആകാശ്‌ ബി ചന്ദ്രന്‍ എന്ന യുവാവാണ്‌ ഈ കൊച്ചു മിടുക്കന്‍. പതിമൂന്നാം വയസു മുതലാണ്‌ ആകാശ്‌ വെബ്‌ ഡിസൈനിംഗ്‌ ആരംഭിച്ചത്‌. പ്രത്യേക പരിശീലനമൊന്നും കൂടാതെ പുസ്‌തകങ്ങളിലൂടെയും വെബ്‌ ഡിസൈനിംഗ്‌ വെബ്‌സൈറ്റുകളിലൂടെയുമാണ്‌ ആകാശ്‌ വെബ്‌ ഡിസൈനിംഗ്‌ പഠിച്ചത്‌. പതിനെട്ട്‌ വയസിനകം ആകാശ്‌ ഇരുനൂറോളം വെബ്‌സൈറ്റുകള്‍ ഡിസൈന്‍ ചെയ്‌തു കഴിഞ്ഞു. ക്ലൈന്റുകളുമായി ബന്ധപ്പെടുന്നതിന്‌ ആകാശ്‌ ബിസി ഡോട്ട്‌ കോം എന്ന വെബ്‌സൈറ്റും ആകാശ്‌ ആരംഭിച്ചിട്ടുണ്ട്‌.
ഇപ്പോള്‍ ഫെയ്‌സ്ബുക്ക്‌ ആപ്പ്‌ ഡവലപ്പ്‌മെന്റ്‌, ഇന്റര്‍നെറ്റ്‌ അധിഷ്‌ഠിത മാര്‍ക്കറ്റിംഗ്‌, വേര്‍ഡ്‌ പ്രസ്‌ ഡിസൈനിംഗ്‌ എന്നിവയും ആകാശ്‌ ചെയ്യുന്നുണ്ട്‌. മാര്‍ക്ക്‌ സുക്കര്‍ബര്‍ഗ്‌, ബില്‍ ഗേറ്റ്‌സ് എന്നിവരെപ്പോലെ ടെക്‌ ലോകത്ത്‌ അറിയപ്പെടുന്ന ബിസിനസുകാരനാകണമെന്നാണ്‌ ആകാശിന്റെ ആഗ്രഹം.
No comments:
Post a Comment